Kirusi cha Zika chahatarisha maisha ya watu bilioni 2 Afrika na Asia

Uchunguzi umebaini kuwa, kirusi cha Zika kinahatarisha maisha ya watu zaidi ya bilioni mbili katika nchi kadhaa za mabara ya Afrika na Asia.

Mtoto aliyeathirika na kirusi cha Zika

Kwa mujibu wa makala iliychapishwa Ijumaa katika jarida la kitiba la 'The Lancet Infectious Diseases' , watu wanaoishi katika nchi zenye watu wengi za Nigeria, India na Indonesia wanakabiliwa na hatari kubwa zaidi ya kukumbwa na ugonjwa huo hatari. Hii ni kwa sababu wasafiri 5,000 huwasili katika nchi hizo kila mwezi kutoka nchi ambazo zinakabiliwa na mkuripuko wa Zika.
Brazil ndiyo chimbuko la mbu wanaosambaza kirusi cha Zika ambacho sasa kimeenea katika nchi 46 duniani tokea kuibuka kwa mara ya kwanza mwaka 2015

Kirusi hicho pamoja na mambo mengine husababisha wanawake wajawazito kujifungua watoto wenye vichwa vidogo na walio na matatizo ya ubongo.

Add caption

Watu zaidi ya milioni 1.5 nchini Brazil wameambukizwa kirusi hicho na Wizara ya Afya ya nchi hiyo imesema watoto wasiopungua 580 wamezaliwa na maradhi ya microcephaly yanaosababishwa na kirusi cha  Zika.